Shady EL-Balad اصحى يا بلد

مصر حتفضل غاليه عليا

متى تصل ثورة #مصر لدار الأوبرا…!!؟ عن الثوره و الفن و الامن مع اسكندريلا في مهرجان القلعه


واضح انه مش بس لسه في ناس مش ملاحظين ان مصر فيها ثوره

لا ده كمان في ناس مش مدركه معنى ان الثوره بدأت يوم 25 يناير

 

و لهؤلاء احب اقول::

ثورة 25 يناير بدأت يوم 25 يناير

ايوه يوم عيد الشرطه

عيد الشرطه اللي تم تحديده تخليدا لذكرى رجال الشرطه المصريين الاحرار اللي رفضوا تسليم مبنى محافظة الاسماعيليه لقوات الاحتلال الانجليزي و قاوموا غطرسة الاحتلال و قوتهم

رغم ضعف تسليحهم و قاوموا حتى اخر رصاصه و اخر نقطة دم

و لكن عك السنين قلب الموازين و اصبحت الشرطه المصريه هي المتغطرسه بقوتها -إلا من رحم ربي- ضد المواطن المصري اللي ملهوش ضهر…

و خلال تلك السنين تم تحميل الشرطه اعباء الدوله بكاملها فكانت النتيجه الطبيعيه ان يتم إهمال كل المهام و ينعدم التخصص لانتشار الكوسه باختصار

فاصبح من يحمى هو من يخرب و احيانا “كثيره” دون ان يدري يزيد من تراكمات الضيق و الضجر في كل ارجاء الوطن

وهو يقوم بافعاله التي تندرج تحت بند تنفيذ الاوامر .

حتقول لي : ولكن مهرجان القلعه المسئولين عنه ادارة دار الاوبرا و ليس الامن

طبعا موافقك

ولكن

الم يكن احد شعارات الثوره “الشعب يريد إسقاط النظام” ؟؟

يعني ايه النظام؟؟

النظام المطلوب إسقاطه هو ترهل اوصال نظام الاداره و نظام التعيينات و نظام الترقي

و لا تنسى ان يوم11فبراير 2011 هتف الميدان “الشعب يريد بناء النظام” بناء نظام يعتمد على متخصصين يا ساده

تراجعت الاداره المتخصصه في مصر فاصبحت الشرطه مسئوله عن التموين و التعيينات و التليفونات و التأمين

و المرور و الحمايه و ملاحقة المجرمين و عن الطرق السريعه

و مجلات الحائط و الاعتصامات و المظاهرات و الكوره و ورق امتحانات الثانويه

و اعداء الوطن و وطن الاعداء

و عن الفن

اه و الله الامن في بلدنا بقا مسئول عن الفن

بأمر الامن ايليسا بتغني في مصر

و بأمر الامن منير ممنوع من الغناء في الاوبرا

و ربما قريبا بامر الامن يتم وصف ساقية الصاوي بانها مقر عبدة الشيطان

و بأمر الأمن تقدر تدخل حفلة اسكندريلا في القلعه و ولو مش طالبه معاهم تتركن ع البوابه

بامر الامن ناس قطعت رحله من اسيوط للقاهره لمشاهدة اسكندريللا و لما عرفوا من اصدقائهم ان البوابات اتقفلت فجأه غيروا اتجاههم

-بأمر الامن تقدر تشتري تذكره و تقف مش لاقي حد يقول لك بوابة المسرح منين لانه ممنوع الرد بامر الأمن

-بأمر الامن تم غلق البوابات الداخليه فجأه ثم الخارجيه!!

-بأمر الامن دخلت ناس و اتمنعت ناس رغم وجود تذكر لم يتم بيعها!!

>>>>>ربما يكون كل ما سبق “مش” بامر الامن

و لكن الجمهور الذي تم منعه لم يرى إلا الامن

و الجمهور اللي اتحرم من الوصول للمسرح في وقت الحفله -مع انه معاه تذاكر- لم يرى من يمنعه غير الامن

و الجمهور اللي وقف في طوابير بوظهاله الامن

و الناس اللي اشترت تذاكر و باعتها في السوق السودا سايبهم الامن

لأنه ببساطه مش فارقه معاه توصل الحفله ولا تسمع ولا تصور ولا تعيط ولا يتحرق المسرح باللي فيه في القلعه ولا في الاوبرا ولا في بني سويف ولا في استاد بورسعيد

 

المهم انه “تــــــمـــــام يا فندم” الوضع تحت السيطره مهما كان “الوضع”

عزيزي الامن فلتعلم ان في مصر ثوره

اعزائي منظمي حفلات الاوبرا رجاء ان تعتمدوا على “متخصصين” في التنظيم و كفايه اعتماد على “موظفين” كل ذنبهم و ذنبنا ان الصدفه اختارت لهم ان يعملوا في دار الأوبرا المصريه و لا تلقوا على الأمن فشلكم في التنظيم ولا تتركوا للامن الحق في تقرير من يسمح له بالغناء و من يتم منعه لدواعي امنيه

يا دار الاوبرا المصريه انتهى عصر الدواعي الأمنيه

التعامل الأمني يا ساده يتعامل مع ظاهر المشكله ولا يتعامل مع الجذور

و التعامل مع جذور المشكله هو ما ينتج عنه حلها

لأن الحقيقه انه مش تمام يا افندم

والوضع مش تحت السيطره

الحقيقه الوضع تحت الغطاء

و التذاكر  اتباعت في السوق السودا

و الجمهور ضاعت منه الحفله

و الفرقه ضاع منها الاستمتاع بالغناء لعدد اكبر من الجمهور

و الجمهور كان لسه في طوابير بيتباع له تذاكر مع ان المنظمين انهوا الحفله!!!!!!

انت اشتريت تذكره عشان تسمع اسكندريلا؟؟

ايوه

طيب زي الفل حـنـِسَـمَـعَـك احنا بقا مجد القاسم

بــــــــــــــــــــــــأمـــــــــــــــــــــر  الأمـــــــــــــــــــــــــن

مين اللي يقدر ساعه يحبس مصر pic via: http://www.facebook.com/SOoOti.eYes

Photo by: @SoOoOoti edited by: @ShadyGhz الصوره من الفن ميدان …بميدان عابدين…

نحن كجمهور في انتظار توضيح من ادارة دار الاوبرا المصريه لتبرير ما حدث

و نتمنى ان يكون التبرير بعيد عن ان ما حدث كان بامر الامن

و مع كامل تأكيدنا على احترامنا للفنان مجد القاسم

و الان مع شوية شهادات من الجماهير

ماما خديجه :

قفلو البوابات الى بره و اللى جوه مرضيوش يبيعو التذاكر و قالولنا خلصت

محمد مصطفى كامل:

انا اول مره اروح القلعه من مده طويله

و دوخوني عشان اعرف فين مكان بيع التذاكر و فين المسرح

و بعد ما وصلت لمكان بيع التذاكر قالوا لي التذاكر خلصت

و انا جاي من المرج للقلعه عشان اسمع اسكندريلا اولع يعني يا باشا؟

المسرح فاضي يا باشا تذاكر ايه بس اللي خلصت؟؟؟

التذاكر خلصت و ده كل اللي عندنا

 

فجأه طلع لي شخص من تحت الارض عايز تشتري تذاكر يا استاذ؟

رديت ايوه بس قالولي خلصت

قال لي لأ انا معايا بس كل سنه و انت طيب

اشتريت منه تذاكر ليا و لاصحابي اللي مزنوقين في زحمة الطريق و ناولته وهو طيب

 

و فضلت باتنقل ما بين البوابه و المسرح عشان الحق اناول التذاكر لاصحابي

لقيت دوشه عند البوابه و و احد صاحبي بيتصل بيا بيقول لي البوابات اتقفلت و الامن مانع الدخول

 

و عقبال ما طلعوا لنا تذاكر من البير السحري للتذاكر

و عقبال ما خلصنا مناقشات و خناقات و مهاترات و هرتله ع البوابات

قالوا لنا الف مبروك الحفله خلصت

 

و انا كل سنه و انا طيب

حسام شوقى :

رخامة الامن و انهم قفلوا الابواب و مكنوش راضيين يدخلونا

و يقولنا الاماكن كلها اتملت وتعالوا بكرة كان شيئ مستفز !!!

و ناس كتير مشيت و ناس ملحقتش الحفلة

 

هبه زايد :

النهاردة في القلعة الأمن فضل قافل الباب من برة ومانع الناس تدخل القلعة بحجة أنهم مش شاريين تذاكر و أن التذاكر خلصت والأماكن مفيش وبعد إصرار من الناس دخلوهم كلهم وقطعوا للكل تذاكر

ولما وصلنا المسرح كان مليان كراسي فاضية

و يسع ضعف العدد لو باقي الناس واقفين والجو رائع

بس كانت اسكندريللا خلصت و بتروح كنا فاكرينها ل 10 وضيعوا علينا الحفلة كإنهم كانوا قاصدين

ماريان مجدي:

قفلوا البوابات من بره و بعد ما اتخانقنا معاهم دخلونا و لحقنا الحفله فى اخرها

ساره:

قالو مفيش تذاكر و فجأه طلعت كرتونه مليانه تذاكر و كانو بيبيعوا بالعشره و ال 15 لنفس الشخص و ده كان فى اخر الحفله “ده اللى اكتشفناه”

و بعد ما دخلونا اصلا من البوابه بره قفلو البوابه تانى

احب اقول لادارة الاوبرا ان الجمهور ده كان رايح لاسكندريلا مش لمجد القاسم مع كل احترامى ليه و مينفعش ده يحصل

Mahmoud Aly

اصلا انا اتاخرت عقبال ما لقيت ركنة

وانا داخل على البوابة لقيت ظابط بيقول لعسكرى “قفل البوابة الى عندك علشان خلاص كده” ؟!

بعد اسكندريلا ما خلصت انا مشيت وشوفت فعلا الامن وهو قافل البوابات

, لدرجة انه مكنش عايز يخرجنى من القلعة علشان ميفتحش البوابات

Kamal Hamed

الحفلة كانت المفروض ساعتين و المنظمين مش فاهم ليه بيغيروا النظام و خلوها ساعة

 

و بعد كده مش عايزين الفن يقلق؟؟؟

اه قلقانين بس أكيد مش خايفين

اه صعبان علينا ضياع مجهود بس اكيد لن نتطرف في المواجهه

ولو تطرف المهاجمون

و إن كان كل ما سبق نقد لتنظيم دار الاوبرا و لدور الامن يوم الجمعه 31 اغسطس

فواجب علينا ان لا ننسى تحية منظمي الفن ميدان على موقفهم في نفس اليوم لرفضهم تأجيل اقامة عروض الفن ميدان في اليوم التالي “بأمر الأمن” نظرا لوجود رئيس الجمهوريه في القصر

يا ساده الفن لا يمنع وجود الرئيس في عابدين

و وجود الرئيس في عابدين لا يمنع الفن

لأنه ببساطه يحدث الان في مصر ثوره

و الثوره المصريه منعت التعامل مع الفن بالمنع او بالمنح لدواعي أمنيه

ولا ايه الحكايه ………………بقا !!!!!!!!

 

المتفائل الفاني

شادي الغزاوي

1Sep2012

No comments yet»

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

شخص ما يكتب

يكتب اليوم عن الأمس والغد ..

minawageh1's Blog

A great WordPress.com site

لسـان حال

بعض الشيء عن كل شيء © Asmaa Khairy

خيوط

من هوامش تفاؤل الإرادة

Bucket List Publications

Indulge- Travel, Adventure, & New Experiences

مصر هبة النيل

مصر يامه يا بهية يام طرحة وجلابية الزمان شاب وانتي شابه هو رايح وانتي جاية

The WordPress.com Blog

The latest news on WordPress.com and the WordPress community.

%d bloggers like this: