Shady EL-Balad اصحى يا بلد

مصر حتفضل غاليه عليا

#TweetSHare3 #تويت_شارع عام خارج الفقاعه


#TweetSHare3 #تويت_شارع عام خارج الفقاعه

تويت شارع هو الثوره ضد الإعلام

و برغم إنني لست من هواة العمل ضد و اقدر العمل مع

و لكن احيانا يفرض عليك العدو ان تعمل ضده

لتكون نتيجة العمل “مع” مصلحة الوطن

و عدونا كان ولا يزال اهم ادواته هي الإعلام

و لأن من يعادون الثوره يسيطرون على أدواته من صحافه و تليفزيون و إذاعه و حتى المساجد احيانا

فكان لابد لنا ان نجد طريقا جديدا يصل بافكارنا و رأينا إلى الشارع

وجدنا اننا يتم حصارنا في ميدان التحرير و من خارجه لا يعلم عننا غير اكاذيب

وجدنا انه لم يعد غير القلائل الذين يعلمون ماذا نفعل و لماذا نفعله

 

قلائل اكتشفوا ذلك قبل مسيرة العباسيه الأولى و التي ذهب ضحيتها الشهيد محمد محسن

يومها وجدنا اننا يتم لعننا على كل الفضائيات و المقاهي و في البيوت و المواصلات العامه

و ظل الكثيرون مننا يتسائلون لماذا تسبوننا ده احنا اللي اتضربنا و زميلنا اتقتل

ازاي نكون احنا اللي غلطانين و احنا المقتولين و المصابين

 

و كانت تلك أول معركه كبيره يفوز بها أعداء الثوره إعلاميا

فقد قاموا قبل المسيره بحمله لتشويه صورة المتظاهرين و انهم بلطجيه و يهدفون لمهاجمة وزارة الدفاع

وهو طبعا لم يكن الهدف من المسيره التي كانت تطالب بالافراج عن المعتقلين

خاصة انه في تلك الايام وصلت حالات الاعتقال إلى اعتقال بعض المعتصمين بمنتهى الهدوء دون ان يدري احد

 

و هنا كانت البدايه…….بداية تويت شارع

اصبح الجميع يدرك الان ما كان يدركه قبلها قلائل

ادركوا انهم بحاجه إلى إعلام يصل للناس

 

حلقت الفكره في السماء و التقطها شباب

و كسروا بها حاجز السجن داخل فقاعة العالم الالكتروني

 

كان السؤال يلاقح السؤال و الإجابات هي خريطة الطريق لعبور الحواجز

مين اللي ع النت؟؟؟ احنا

مين اللي بيتضرب؟؟؟ احنا

مين اللي بينزل الشارع يطالب بالحق؟؟؟ احنا

مين اللي عارف اللي احنا عارفينه؟؟؟ احنا

احنا بنتكلم فين؟؟؟ ع النت

قولي تاني كده ….مين اللي ع النت؟؟؟,,,,,,,,,ايه!!!!!؟؟؟؟؟؟

كان شعار المرحله يا فرحتى و انا و انت قاعدين ع النت و عارفين و بنتكلم سوا و محدش في الشارع عارف احنا بنقول ايه ولا عارفين ايه

 

و من العباسيه جاء شعارنا

الشعب و الشعب ايد واحده

ففي نهاية تلك الليله اكتشف أهالي العباسيه ان من يهاجمهم ليسوا من المسيره و هم نفسهم من يهاجمون المسيره

اكتشفوا ان هناك طرف ثالث يحاول ان يثير معركه بين مصريين و مصريين و ان قوات الأمن لا تحمي الجانبين

فكان هتافهم حين اكتشفوه “الشعب و الشعب ايد واحده” و كما كانت البدايه يوم مسيرة العباسيه 23يوليو2011 كان الشعار من هتاف المصريين بالعباسيه

 

و من هنا انتشرت “الفكره” تويت شارع

انقل كلامك من تويتر للشارع

اتكلم مع الناس

الناس مش اغبياء زي ما انت فاكر ده غباء منك انك تفكر كده اصلا

الناس محتاجه تعرف

عرفهم ايه اللي بيحصل بمنهى الحياد و سيبه هو يقرر

 

خليه يعرف حقوقه

خليه يعرف افكارك

خليه يعرف حقيقة انت رايح المسيره دي ليه

و الاعتصام ده هدفه ايه

و عرف الناس في الشوارع كام واحد اتقتل و كام واحد اعتقل

و انت ليه بتطالب ان الدستور يكون بالطريقه دي مش بالطريقه دي

يا المصري اخرج من بيبان النت الضيقه

فيديو تويت شارع >>>>>> اخرج من بيبان النت

 

و هنا اتى شعار اخر للمرحله

إذا الشعب يوما اراد الحياه فلابد ان يسمعوا و يتكلموا مع بعض

 

 

نزلنا الشوارع

الفكره جمعتنا

و زي ما الثوره فكره جمعتنا

تويت شارع الفكره جمعتنا

 

كان الناس بدأوا بضغط الإعلام و ظروف الحياه في الاحساس بالملل من صخب المظاهرات و الاعتصامات و المصابين و المقتولين و المتهمين

بدأنا في محاولة ان نصل لهم بكل طريقه

في التاكسي

في الميكروباص

ع القهوه

و حتى في الاعتصامات

و حتى في المظاهرات

في كل مكان الناس محتاجه تعرف

و محتاجه تتكلم و محتاجه تسمع

 

لن اتحدث كثيرا عن تفاصيل كل انشطتنا

و لكن يكفى ان اقول

ان نتيجة كل ما فعلناه اننا تأكدنا من عدة حقائق

1-مصر مش ع النت مصر في الشارع

2-الحوار و سماع الاخرين لن يقتلك

3-اختلاف وجهات النظر ليس معناه اننا اعداء

4-المصريين بيحبوا مصر اكتر ما تتخيل

5-عرف الناس بحياديه حيختاروا صح

6-معلومات صادقه قليله تمنع بلاوي كتيره

7-اعرف انت حتتكلم عن ايه قبل ما تتكلم عنه

8-اسمع رأي الناس عشان تطور طريقة كلامك

9-ما تدخلش مناقشه و انت متنرفز

10-مش شغلتك تقنع الناس برأيك شغلتك تنقل الحقيقه

 

و هنيالك يا اللي تسمع قبل ما تتكلم

و تتحاور مع الناس  و انت ناوي تتعلم

 

مطلوب مني اختم الكلام ده

لا اسف

الكلام ده مالوش ختام

الكلام ده مستمر

الثوره مستمره

و حنفضل نغرد في شوارع مصر

و حنفضل نسمع تغريد المصريين في شوارعها

 

تويت شارع تجدوا ما يسركم

 

 

شادي الغزاوي

يوليو 2012

for more about #TweetSHare3 join us

http://www.facebook.com/tweetshare3

http://twitter.com/tweet_share3

http://tweetshare3.blogspot.com/

http://www.youtube.com/user/TweetShare3/videos

No comments yet»

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

شخص ما يكتب

يكتب اليوم عن الأمس والغد ..

minawageh1's Blog

A great WordPress.com site

لسـان حال

بعض الشيء عن كل شيء © Asmaa Khairy

خيوط

من هوامش تفاؤل الإرادة

Bucket List Publications

Indulge- Travel, Adventure, & New Experiences

مصر هبة النيل

مصر يامه يا بهية يام طرحة وجلابية الزمان شاب وانتي شابه هو رايح وانتي جاية

The WordPress.com Blog

The latest news on WordPress.com and the WordPress community.

%d bloggers like this: