Shady EL-Balad اصحى يا بلد

مصر حتفضل غاليه عليا

عن #عودة_البرلمان من تالته شمال أتحدث.. #شادي_البلد


عن #عودة_البرلمان و قبل ما تفكروا و ترغوا و تسمعوا,من تالته شمال أتحدث.. #شادي_البلد

لو لبست نضارة القانون #عودة_البرلمان بقرار #مرسي ضد حكم المحكمه –
لو لبست نضارة إعلان مارس الدستوري #عودة_البرلمان بقرار #مرسي حاجه حلوه –
لو لبست نضارة الإعلان الدستوري التكميلي #عودة_البرلمان بقرار #مرسي هدم للاعلان –
لو لبست نضارة شعب انتخب #عودة_البرلمان بقرار #مرسي انتصار لإرادة الشعب –

اما بقا لو انت قاعد معايا في تالته شمال و لو لبست نضارة شادي

عودة البرلمان بقرار #مرسي ميزه يجب ان يستغلها المجلس العسكري ليخرج الجيش المصري من صراعات السلطه و السياسه  و الإشاعات و التكهنات

و لو خايف من هيمنة الاخوان تبقى جبان و فاقد للثقه في قدراتك أو مكسل

الحكايه مش صراع بين الاخوان و العسكر المهم بنضارتي هي #مصر
و حماية جيش مصر من هرتلة قادته هو بخروجهم من ساحة الصراع السياسي

السلاح سيبقى معهم و حمايتهم للدوله ستبقى مهمتهم

راقبوا اداء البرلمان “لو عاد للعمل” و اعملوا ليكون الدستور متوازن و اشتغلوا في الشارع بقا لتواجهوا هيمنة الإخوان

مصر في الشارع مش ع النت ولا في الكتب ولا الالجرانين ولا في المؤتمرات
مصر في المعتقل و في طابور العيش و في أكوام الزباله و في ديوان المظالم و صخرة هضبة الهرم اللي وقعت و في الاحياء
اشتغلوا يا أهل الثوره قبل ما يكون الصراع القادم إخوان و وحزب و طني تاني تاني تاني تاااااااااااااااااااااااااااااااااااااااااااااااااااااااني اشتغلوها من تحت لفوق بقا

زعلانين عشان القانون ؟؟؟؟؟
ده على اساس اننا مثلا بقالنا سنه و نص في يوتوبيا القوانين الأموره!!!!!!!!!!!!!!!؟؟؟؟؟

عايزين تستنجدوا بالجيش دلوقتي يحمي مصر من هيمنة الاخوان؟؟؟؟؟
طب ما تحرقوش الكارت ده دلوقتي و استنوا لما يتدبسوا

سيبوهوم يشيلوا الطين طالما هما غاويين أو يعملوا حاجه للناس اللي زهقت منهم و منكم و من كلامي و كلامكم و و من نفسهم و من عيشتهم

اضغطوا على مرسي يطلع قرار عنتري تاني لتغيير النائب العام و للعفو عن المعتقلين

يا اللي نزلتوا تقولوا نعم و لا في استفتاء مارس 2011 كنتوا فين لما المجلس العسكري لزقكم على قفاكم ولا مشي في خريطة لا ولا احترم نعم اللي اصلا محدش عارف هو قالها ليه كنتوا فين ؟؟؟؟ اعترضتوا ع النت ؟؟؟

طيب

كملوا إعتراض ع النت و ما تزعلوش من عودة الحزب الوطني و ابقوا اعترضوا تاني ع النت لما جمال مبارك يطلع من السجن و يرشح نفسه و يكسب لأنه مرشح الدوله المدنيه

بس كفايه

حتسألوني ايه علاقة كل ده بتالته شمال؟؟؟

حاقول لكم بالتفصيل المره الجايه

باختصار

لما تروح الاستاد ممكن تتفرج ع الماتش من مدرجات ورا الجول أو من مدرجات وسط الملعب

مدرجات خلف المرمي(يمين وشمال)المقصوره الرئيسيه هي الدرجه التالته-عادة-يمين لجمهور الضيف و شمال لصاحب الملعب

رغم ان سعر تذكرتها هو الأقل

إلا انها روح الاستاد الحقيقي

منها تكشف ارض الملعب بنظره واحده

لا محتاج تبص يمين ولا شمال

هدفك و انت فيها واضح و محدد و نظرك ثابت و بصيرتك ممتده للامام

 

و تفاصيل تالته شمال نتكلم فيها بعدين على رواقه

المتفائل الفاني

شادي الغزاوي

No comments yet»

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

شخص ما يكتب

يكتب اليوم عن الأمس والغد ..

minawageh1's Blog

A great WordPress.com site

لسـان حال

بعض الشيء عن كل شيء © Asmaa Khairy

خيوط

من هوامش تفاؤل الإرادة

Bucket List Publications

Indulge- Travel, Adventure, & New Experiences

مصر هبة النيل

مصر يامه يا بهية يام طرحة وجلابية الزمان شاب وانتي شابه هو رايح وانتي جاية

The WordPress.com Blog

The latest news on WordPress.com and the WordPress community.

%d bloggers like this: