Shady EL-Balad اصحى يا بلد

مصر حتفضل غاليه عليا

انا #صوتي_الباطل_هو_الحل


لو كانت الانتخابات بتعمل تغيير حقيقي في المجتمعات كانت الحكومات حتلغيها

و في جولة الإعاده -إن تمت- للانتخابات الرئاسيه المصريه لا تقف مكتوف اليدين يا المصري

لا تجعلهم يوهموك انك امامك اختيارين فقط

فأنت -كائن بشري مصري حر – و عند محطة الانتخابات امامك اختيارات عديده

و في كل الأحوال مهما كان اختيارك روح انتخب تاني يوم لأن اول يوم الصناديق بتبات في حضن الأمن يا معلم

واحد– مقاطعة الانتخابات

اتنين– إبطال صوتك وهو ما يطلق عليه التصويت الإحتجاجي(انظر مزيد من التفاصيل في نهاية التدوينه)

تلاته– اختيار مرشح من المرشحين

المقاطعه مش فارقه مع السلطات بالعكس حتريحهم و تديهم كل فرص التزوير على صينيه دهب خصوصا انهم مفيش عليهم رقابه

و المقاطعه سيتم إستخدامها ضد الشعب المصري إعلاميا بتكرار مش انتوا سلبيين و قاطعتوا يا شطار البسوا بقا اي اختيار

و في حالة التمثيليه الانتخابيه المصريه امامك مرشحان في الإعاده

من خلال كل ما فعلوه في السنوات الماضيه نجد انهم وجهان لعملة واحده و ان الصراع بينهم يعود بنا للصراع الطبيعي بين الاوان و الحزب الوطني في اي انتخابات مصريه قبل الثوره

لو فاز شفيق حيتفقوا الاخوان معاه و يبيعوا البلد و الثوره لأجل خاطر وجودهم في الحكومه و عدم حل البرلمان

ولو فاز مرسي مش حتفرق كتير مع العسكر لأنهم حبايب من زمان و افتكروا كويس موقفهم من تعيين الجنزوري

و حيكون طريق الخروج الأمن للمجلس دون محاكمات متسفلت بوجود الاخوان في كل المناصب و تعطيل اي بلاغ او مظاهرات

ولو الاخوان حاولوا يعملوا فيها دكر في يوم من الايام فالعسكر عندهم كل الاسباب القانونيه للاطاحه بالاخوان من كل المناصب ولو نزلوا الشارع بكثافه للدفاع عن انفسهم حيتلموا كلهم في أول بوكس

و العسكر لديهم ليس فقط المجلس العسكري و لكن معهم النائب العام و القانون و كثير من الإعلام و كذبة الشارع بيحب الجيش

انا #صوتي_الباطل_هو_الحل انزل و اكتب سلامات من التحرير للمرشد و المشير

كاذب يقول “الإسلام هو الحل” و قاتل يقول “القمع هو الحل” و أنا بأقول لهم “صوتي الباطل هو الحل”

انا #صوتي_الباطل_هو_الحل صوتي لمصر لا لجماعه ولا للعسكر جيل الاتاري مش بيهزر


انا #صوتي_الباطل_هو_الحل انا مش ناوي اسيب صوتي يتزور من كدابين سلطه و كدابين دين ,, الصندوق ده تااااعي انا
انا #صوتي_الباطل_هو_الحل انزل و اكتب اسم مرشحك على ورقة التصويت في الإعاده
انا #صوتي_الباطل_هو_الحل انا مش ناوي اجرب ناس متجربين و كدابين و لدمي سفاكين أو بايعين و عليه مساومين
انا #صوتي_الباطل_هو_الحل بيني و بين شفيق دم؟؟ و بيني و بين “قيادات” الإخوان كدب و سكوت ع الدم و جراكن فيبا و شنط بطاطس اشتروا بيها صوت الغلابه
انا #صوتي_الباطل_هو_الحل انزل و اكتب على ورقة الترشيح ” ان الأوان ترحلي يا دولة العواجيز ”
انا #صوتي_الباطل_هو_الحل انزل و اكتبلهم ” يا قراطيس جيل الأتاري لم و لن يهزم”

انا #صوتي_الباطل_هو_الحل

انزل و اكتب على ورقة التصويت ” لن نستعبد و لن نورث مصر حره و انتوا الاتنين بره”

انا #صوتي_الباطل_هو_الحل

انزل التزوير حيكون هو سيد الموقف في الإعاده ما تسيبش صوتك يتزور و تقاطع,,انزل و اكتب ع الورقه “مصر أكبر منكم”

انا #صوتي_الباطل_هو_الحل  انزل و اكتبلهم ” احنا الصوووووووووت و معكم انتوا الاتنين احنا السكوت “

انا #صوتي_الباطل_هو_الحل

انزل و اكتب ع الورقه ” الثوره مستمره يا كروديات لن ننهزم”
انا #صوتي_الباطل_هو_الحل

لا حأنتخب قاتل فاسد ولا حانتخب بياع أناني
انا مش حاختار انا مش مجبر اختار من اختيارات العسكري المفروضه علينا ,,انا حأبطل صوتي لو تمت الانتخابات #صوتي_الباطل_هو_الحل

((((((((((((((((((((( صوتي الباطل هو الحل )))))))))))))))))))))
((((((((((((((((((( ShadyG ))))))))))))))))))

التصويت الإحتجاجي

المصدر:

wonderer@IbnAlwarraqhttp://www.twitlonger.com/show/hjl8rs

بداية الإنتخابات المصرية لا يوجد فيها حد أدنى لعدد الاصوات

لذلك سينجح أحد المرشحين وأيا كان الناجح منهما فهو أختيار سيء.

الماقطعة في مصر لا جدوى منها لأننا معتادين على عدم المشاركة بالتالي لا تجدي في إراسل رسالة، سوى عزوف الجماهير عن العمل السياسي.
من هنا تأتي أول أهمية التصويت الأحتجاجي فهو عمل ثوري وأحتجاجي وليس عمل قانوني. فهو يرسل عدة رسائل،

أولا أن الشعب ليس عازفا عن العملية الإنتخابية ولكنه غير راض عن المشاركين فيها أو أليتها أو كلاهما.

ثانيا: أن الذي سيفوز في الأنتخابات لا يحمل شرعية الشعب لكنه فقطط يحمل شرعية جماعته، حزبه، أو من أشتراهم.

ثالثا: لن يتمكن من ينجح أن يزعم أنه لديه شرعية الصناديق وأن الشعب أختاره في عرس ديمقراطي لأن الرد الواضح سيكون بإظهار نسبة الأصوات الأحتجاجية.

رابعا: الصوت الأحتجاجي يضع الفائز في موقف غير مقبول دوليا، فرسالة الشعب ستصل للمجتمع الدولي بقدرة الشعب على ممارسة العملية الديمقراطية ورفضهم للمرشحين التي فرضت عليهم.

خامسا: التصويت الأحتجاجي يعطي زخما ثوريا ويحدد أن الشرعية لازالت للثورة وسلميتها.

أما كيفية الصوت الأحتجاجي فهو أن يتم الحشد بكثافة للمشاركة في الإنتخابات مع إبطال الأصوات. من المهم أن يكون هناك حشد حتى من أختار المقاطعة ينزل ويكتب على ورقة الأقتراع “مقاطع” أو يشطب على المرشحين أو يكتب أختيار ثالث. إذا نجحنا في الحشد وخرجت إنتخابات فيها الأصوات الباطلة أكثر من الصحيحة يستحيل سياسيا أن يزعم الفائز أنه يمثل الشعب. نعم سيفوز بأغلبية الأصوات الصحيحة، لكن ليس بأغلبية الأصوات المشاركة. هذا يعني سياسيا وثوريا أنه رئيس ذو شرعية قانونية ولكن لا شرعية شعبية أو سياسية له. لو مقتنع بالفكرة أقنع بها أخرين لأن العدد مهم، لو مش مقتنع ناقشها معي

الفنان خالد الصاوي يقول:

المصدر: http://www.facebook.com/khaledalsawy

انت مش مضطر تختار بين صديق نصب عليك وصديق أتكلم وحش في حق أختك!
مش مضطر تختار بين عروسة سيئة السمعة وعروسة معقدة نفسيا!
مش مضطر تختار بين انك تبوس الإيد اللي بتضربك أو تبوس رجل شخص جاب لك شغلانة!
مش مضطر تختار بين انك تصيف في إسرائيل أو تهاجر أفغانستان!
مش مضطر انك تختار بين سهرة قمار أو سهرة هيروين!
مش مضطر تختار بين عربية ملهاش ورق أو عربية ما بتمشيش!
مش مضطر تختار بين سلاح بايظ أو سلاح ما بتعرفش تستخدمه!
مش مضطر تختار بين حزب معادي للثورة أو حزب عاوزها لنفسه!
مش مضطر تختار بين شفيق أو مرسي خالص طالما مش مقتنع بالجوز..
وأخيرا.. انت مش مضطر تكتئب وتموت بحسرتك أو تحرق وتكسر بعشوائية..
مطلوب منك تختار طريق ثالث تحفره بإيدك مع الناس اللي شبهك..

ده لو ثلاثين مليون مصري لبسوا طواقي مكتوب عليها: أنا لا عاوز شفيق ولا مرسي، أنا عاوز الطريق الثالث.. خلصت.

و تقترح ريم سعد تصور لكيفية وجود حمله شعبيه منظمه لإبطال اصواتنا في الانتخابات

المصدر

http://www.facebook.com/permalink.php?story_fbid=10150816488352821&id=636212820

اقترح إبطال منظم للأصوات بكتابة عبارة موحدة وتكون محايدة ومناسبة لأكثر عدد من الناس يوافق عليها زي “مصر حرة” مثلا.

نشتغل على حملة منظمة و نعمل “براندينج” للفكرة- متصورة ممكن ستيكرز وتي شيرتات إلخ بلون مميز وعليها العبارة

و تبقى طريقة لنشر الفكرة وللمنتمين لها يعرفوا بعض ويعرفوا الآخرين بيها. وجرافيتي بقى وكدة.

أحلم ان أم خالد سعيد تتبنى الفكرة وتطلق الدعوة هي وأمهات الشهداء الآخرين-

لو الفكرة انتشرت وحسينا ان عددنا كبر ممكن نعمل ضغط “استعباطي” ان عدد اللي أبطلوا صوتهم بالعبارة دي تحديدا يتم الإعلان عنه-

ممكن كمان نعمل ستيكرز بحجم صغير عليها العبارة نلزقها على ورقة الاقتراع ودة يكون مفيد للناخب الأمي-

الهدف هو زعزعة شرعية الرئيس المنتخب وكسر عينه وان احنا نبقى مجموعة تفضل عايشة بعد الانتخابات وتكون نواة للمسار البديل (ودة الواجب المهم اللي لازم نبتدي نحط له تصور)

كما يعبر أحمد غربية عن وجهة نظره بالنقاط الاتيه

المصدر:

http://www.facebook.com/ahmad.gharbeia/posts/10151742239830012

اللي قلبه مش مطاوعه يصوّت في الإعادة و مش عاوز يختار بين سيئين يروح اللجنة و يبطل صوته أفضل.

الإبطال أفضل من المقاطعة لأنه:
1) يظهر في النتيجة لأنه صوت في الصندوق و لا يمكن إغفاله في الفرز
2) يُصعّب تزوير الصوت لأن اسمك في الدفتر و البطاقات عندهم
3) فعل إيجابي بدل استسهال البقاء في البيت بذريعة المقاطعة. قاطع بإيجابية.

الإبطال مكمن يكون بترك الورقة بيضا، لكن عيبه عندنا أنهم ممكن في العد يعلموا بقلم على خيارهم و ماحدّش يعرف.

فالأفضل أنه يكون بتسويد كل الخيارات و ممكن تكتب على الورقة عبارة احتجاجية: “لا للفلول” “يسقط يسقط حكم العسكر” “البرادعي رئيسي” “الثورة مستمرة” “شفيق هو مبارك”

المتفائل الفاني

شادي الغزاوي

31-مايو-2012

3 Comments»

  cibc123 wrote @

احسنت يا دولي

  hany riad wrote @

روعة ياريت نقدر ننشرها الوقت ضيق جدا بس لازم نحاول

  shadyg wrote @

مفيش وقت بيفوت غير لو كان خلاص فات لسه الوقت موجود,,,انشرها في كل مكان تقدر عليه


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

شخص ما يكتب

يكتب اليوم عن الأمس والغد ..

minawageh1's Blog

A great WordPress.com site

لسـان حال

بعض الشيء عن كل شيء © Asmaa Khairy

خيوط

من هوامش تفاؤل الإرادة

Bucket List Publications

Indulge- Travel, Adventure, & New Experiences

مصر هبة النيل

مصر يامه يا بهية يام طرحة وجلابية الزمان شاب وانتي شابه هو رايح وانتي جاية

The WordPress.com Blog

The latest news on WordPress.com and the WordPress community.

%d bloggers like this: