Shady EL-Balad اصحى يا بلد

مصر حتفضل غاليه عليا

هأ هأ قال مصر تركع قال


 

يا ولاد البلد

ما تزعلوش اوي ان الامريكان و الاجانب سافروا
لأن اصلا دي مش قضيه

و اللي مش مصدق يتفضل يروح يحاول يؤسس جمعيه
حيلاقي ان التهم اللي اتهموا بيها الجمعيات دي من طلبات تأسيس اي جمعيه
و اللي حاول يؤسس جمعيه في السنين اللي فاتت عارف انه كان شبه مستحيل
للدرجه اللي كانت بتخلي بعض الشرفاء يلجئون للتعاون مع الفاسدين لتسهيل إنشاء جمعيه لأن الشرفاء كان نفسهم يعملوا اي حاجه لبلدهم باي طريقه

اما بالنسبه لخرايط تقسيم مصر و الكلام الملوخيه ده كله
تقدروا تبصوا في أي كتاب جغرافيا حتلاقوه مليان خرائط متقسمه لمصر
دي بقى مؤامره من مؤلفي الكتب المدرسيه ولا نسميها ايه

و بالنسبه للاحزاب اللي قرفونا كلام عن لن نرجع و لن نتقهقر ولن نتزعزع
كام حزب منكم لم يتلقى تدريبات في تلك الجمعيات يا ساده ؟؟؟؟

الجمعيات المتهمه دي من كام شهر كان اللي بيهاحموها النهارده شايلين تقاريرها عن انتخابات البرلمان و دايرين على وسائل الإعلام بيزعرطوا و يرقصوا ان الجمعيات دي بتشيد بالانتخابات و الان يهاجمونها و يتهمونها بأي كلام

ثم هما مالهم بمصر الناس دي

هما اللي بيحكموا دول مصريين أصلا

المصري عارف كويس أوي يعني ايه كلمة وطن ,,, و الوطن عارفه كويس كمان

و لذلك فكبير الكهنه جنزوري بريشت خاتون عنده حق مصر لم و لن تركع
لأن اصلا مصر لسه ما رفعتش راسها,,,,,,,,,,ده اللي هما مصممين ان احنا نشوفه

بس احنا قلنا و بنقول و حنفضل نقول لأ ايها الساده الراكعين
اركعوا كما تريدون فانتم تدافعون عن مصالحكم و كراسيكم

اما نحن فلن نركع ولن نحبط ولن نصدق افلامكم المهروووووسه
فنحن ندافع عن وطن عن ارض و عن حق و ندفع الثمن دماء و جهد و عمل
ولا ندفع الثمن من رصيد كرامتنا ولا كرامة مصر
فكرامة مصر من كرامتنا نحن ولاد البلد اللي حاسيين بيها وثمنها دفعنا مقدما بدمائنا

احنا مصريين و حنرفع راسنا لفوق لأننا مصريين
انتوا بقا تفبركوا قضايا و تلبسوا القضاه في الحيطه,,,,براحتكم
تبوظوا القضيه و تشتروا كراسيكم بتهريب متهمين في قضيه متفبركه,,,براحتكم

احنا عارفين و متأكدين انكم الماضي و احنا المستقبل
و اللي خايف من مصايب ماضيه انها تنكشف هو بس اللي بيبيع و يركع
انما ولاد البلد اللي فاكرين و صاينين و عايشين بشرف تضحيات اهاليهم و جدودهم و اصحابهم و اخواتهم لا بيساوموا ولا بيركعوا ولا بيبيعوا

ارفع راسك فوووووووووووووووووق انت مصري
و اثبت مكانك اثبت ع الحق ولا تساوم
اللهم ارنا الحق حق و ارزقنا اتباعه,,,وارنا الباطل باطل وارزقنا اجتنابه

اخر كلامنا يا ولاد البلد
ولا تزعلوا ولا تكتئبوا و انسوا فيلم مصر ركعت ده
مصر لم تركع لأن اصلا مفيش قضيه
و لأن مصر عمرها ما بتركعش يا ساده إلا لمن خلقها

من الاخر اللي يحاول يحبطك و يقلل من قيمتك يا مصري
اضحك في وشه و قل له ” ما تقدرش ” هأ هأ

مييييييييييييييييين اللي يقدر ساعه يحبط مصر

استقيموا يرحمكم الله

 

المتفائل الفاني

شادي الغزاوي

7 March 2012

 

No comments yet»

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

شخص ما يكتب

يكتب اليوم عن الأمس والغد ..

minawageh1's Blog

A great WordPress.com site

لسـان حال

بعض الشيء عن كل شيء © Asmaa Khairy

خيوط

من هوامش تفاؤل الإرادة

Bucket List Publications

Indulge- Travel, Adventure, & New Experiences

مصر هبة النيل

مصر يامه يا بهية يام طرحة وجلابية الزمان شاب وانتي شابه هو رايح وانتي جاية

The WordPress.com Blog

The latest news on WordPress.com and the WordPress community.

%d bloggers like this: