Shady EL-Balad اصحى يا بلد

مصر حتفضل غاليه عليا

برج 22 دور و النظام الحاكم فى الشارع


من محمد طه الى شادى

ليه كل ما انزل الشارع دمى يتحرق من الي بشوفه و ارجع متنكد و اقول يا ريتني ما نزلت؟

من شادى الى محمد طه و كل ولاد البلد

لأننا دارت بنا ريح الطريق و الشقيق بايده سالت دماء اخوه على الطريق
لانه لما كلنا نفكر اننا لوحدنا و افعالنا مش بتأثر فى المحيطين فينا اكيد حنحس اننا لوحدنا

مثلا

لما ربنا ينجيك و ما تغرقش فى البحر و توصل قبرص و تقول لأهلك انك فى ايطاليا و ترجع بشوالين فلوس

و تبنيلك برج 22 دور فى شاره 6 متر نص تكلفته رشاوى للحى و انت مش حاسس انك قفلت الشارع كله وفاكر انك ساهمت فى حل مشكلة الاسكان

أو لما واحد بيمشى فى الشارع على رجله مش بيفكر انه بيؤثر على اللى سايق زهز بيعدى الشارع و فاكر ان اللى على الدريكسيون ده الساحر الدولى الخارق سعدون كوبرفيلد أول ما سعادته ينط من على الرصيف على كبوت عربيتك عشان يعدى الشارع حتدوس انت فرامل تقف فى التو و الحين, ايه يا عم ما بتعرفوش تسوقوا بتتهببوا تجيبوها ليه

و اللى سايق و منور النور العالى بدون سبب مش عارف انه مخلى اللى ماشيين حواليه مش شايفين

و المحافظ اللى تقوله هنا فى زباله يقولك ما انتوا اللى رامينها و ينام

ولو جاتله زياره من أولى الأمر يلم الزباله فى ثوانى و يسفلت الشارع و تخلص الزياره يدخل ينام تانى عقبال ما حد من أولى الأمر يصحوه تانى , ولو حد قاله فى زباله يقولهم ما انا شيلتها هو انا فاضى لزبالتكم دى اتصرفوا الحكومه مش كل حاجه

الشيخ الشعراوى الله يرحمه كان دايما بيتكلم و يصر على شرح معنى حركة الانسان فى الحياه

كل واحد فينا حركته و افعاله بتأثر على المحيطين بيه بشكل مباشر او غير مباشر

و انا طفل قرأت حكمتين اتذكرهم دائما و انا ماشى فى الشارع و محروق دمى زيينا كلنا

اولهم : اذا اردت الكمال فابدأ بنفسك
تانيهم : اعذر اخاك الف مره و إن لم تجد له عذر فلوم نفسك

و طبعا الناس ما اتغيرتش كده لوحدها
سلوك الانسان انعكاس للنظام المحيط به و النظام ثواب و عقاب و تخطيط
و كل الحاجات دى تحتاج ان كل واحد يعمل اللى يعرفه و يبعد عن اللى ما يعرفوش

انما لما الصيدلى يبقى مندوب مبيعات و خريج زراعه مدير حاسبات يبقى ده نظام السقا مات
لما التوفير يبقى معناه اننا نطفى كل النور مش نفكر ازاى نوفر فى الاستهلاك مع عدم المساس بالجوده يبقى ده نظام الدبه اللى قتلت صاحبها عشان تهش الدبانه

لما نبقى مش عارفين نوفر طرق للسيارات و فى نفس الوقت بنقدم تسهيلات لتقسيط السيارات الخاصه و محدش بيحاول ينظم و يجدد المواصلات العامه يبقى ده نظام غير متناسق

الحل يا اخوانى فى النظام
و انا لا اقصد النظام الحاكم فقط و انما اقصد النظام الذى يضعه النظام الحاكم

و ايضا النظام اللى بيجيب النظام الحاكم

فالنظام الحاكم قد يكون فى “بعض الاحيان” مظلوم لانهم بيرقعوا فى قماشه دايبه
انما لأ بقى كفايه ترقيع الابيض واضح و الاسود واضح

ماشيين فى الرمادى ليه راضيين باللون البيج ليه

زهقنا ترقيع

و كلام ووعود لان الوعود زى العسل انما تنفيذها احنا الشعب بنعرف كل تفاصيله و بنعانى منها مش عايزين وعود ولا ترقيع عاوزين نشوف شغل

و ده مش يحصل غير لما كلنا نحط ايدينا فى ايدين بعض ….. و الشارع لنا

ده كان سؤال محمد و إجابتى من 14 شهر

و دى صورة محمد يوم 11 فبراير 2011

المتفائل

شادى الغزاوى

April 25, 2010

No comments yet»

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

شخص ما يكتب

يكتب اليوم عن الأمس والغد ..

minawageh1's Blog

A great WordPress.com site

لسـان حال

بعض الشيء عن كل شيء © Asmaa Khairy

خيوط

من هوامش تفاؤل الإرادة

Bucket List Publications

Indulge- Travel, Adventure, & New Experiences

مصر هبة النيل

مصر يامه يا بهية يام طرحة وجلابية الزمان شاب وانتي شابه هو رايح وانتي جاية

The WordPress.com Blog

The latest news on WordPress.com and the WordPress community.

%d bloggers like this: